მაკა დურგლიშვილი

უკვე 5 წელზე მეტია ვასწავლი უცხოურ ენებს - ინგლისურს, კორეულსა და ესპანურს - და ამ პერიოდის განმავლობაში მქონია როგორც მოზარდებთან, ისე უფროსებთან მუშაობის მრავალფეროვანი გამოცდილება. თითოეულ სტუდენტთან მუშაობამ კიდევ ერთხელ დამარწმუნა, რომ ენის სწავლა სულაც არ არის ისეთი რთული და დამღლელი პროცესი, როგორც ბევრს წარმოუდგენია. უმეტეს შემთხვევაში სირთულეს თავად ენა კი არა, არასწორი მიდგომა და არაეფექტური სწავლების მეთოდი ქმნის.

წლების განმავლობაში დავაგროვე პრაქტიკული გამოცდილება, სხვადასხვა სასწავლო ტექნიკა და მიდგომა, რომლებიც სტუდენტებს ეხმარება ენა უფრო ბუნებრივად, მარტივად და თავდაჯერებულად აითვისონ. ჩემთვის მნიშვნელოვანია, რომ სწავლა არ იყოს მხოლოდ წესებისა და სიტყვების დაზეპირება - პროცესი უნდა იყოს გასაგები, სტრუქტურირებული და მორგებული კონკრეტული ადამიანის საჭიროებებსა და მიზნებზე.

დარწმუნებული ვარ ერთ რამეში: თუ სწავლობ სწორი მეთოდით, თანმიმდევრულად და სწორ გარემოში, ნებისმიერი ენა ბევრად უფრო მარტივი ხდება, ვიდრე თავიდან ჩანს. ენის სწავლა არ არის „ნიჭის“ საკითხი - ეს არის სწორი სისტემის, პრაქტიკის და მუდმივი მხარდაჭერის შედეგი.